Ölkə futbolu
Elçin Məmmədov: “Lisenziya prosesində keyfiyyət artıb”
Növbəti mövsüm Topaz Premyer Liqasında neçə k…
Növbəti mövsüm Topaz Premyer Liqasında neçə klubun iştirak edəcəyinə hələ də aydınlıq gəlməyib. Azərbaycanda çempionatın təşkili əbədi problemdi və son ana kimi yarışın hansı reqlamentlə keçiriləcəyi bilinmir. Klubların sayı adətən maliyyə durumundan asılı olur və ölkədəki iqtisadi durumu nəzərə alanda bu, gözləniləndi.
Lakin bir məqam da var. Belə ki, klublar çempionatda iştirak etmək üçün müvafiq lisenziyanı almalıdı. Bəs, bu baxımdan vəziyyət necədi?
“Futbolinfo” məsələyə aydınlıq gətirmək üçün AFFA-nın Lisenziyalalaşdırma Qrupunun rəhbəri Elçin Məmmədovla danışmağı lazım bildi. Qurum rəsmisi qaydaya uyğun olaraq, ad açıqlamasa da, bəzi məqamlara aydınlıq gətirdi: “Lisenziya prosesi davam edir. Hələ təyin olunan müddət bitmədiyindən açıqlama verə bilmərik. Mayın 25-də sənədlərin qəbulu üçün son tarixdi. Yalnız ondan sonra kimin lisenziya aldığı açıqlanacaq. O zaman da səbəblər gizli qalacaq, lisenziya ala bilməyənlərin özünə bunun səbəbləri deyiləcək. Bu məxfilik idman prinsiplərinin pozulmamasına görədi. İndidən kimlərin tələblərə cavab vermədiyini açıqlasaq, o zaman bu, həmin klubun oyunçularına təsir edə bilər və bu da nəticələrdə özünü göstərər”.
Bununla belə Elçin bəy klubların fəallığından razıdı: “Ötən mövsümlərlə müqayisədə ciddi keyfiyyət artımı var. Keçirdiyimiz seminarların, təlimlərin, görüşlərin faydasını görürük. Klublar bu məsələlərə daha həssas yanaşırlar. Premyer Liqa klublarının bu baxımdan təcrübəsi var idi, artıq divizion klubları da daha keyfiyyətli işləyirlər. Onu deyə bilərəm ki, divizionda çox iddialı klublar var və Premyer Liqaya can atırlar”.
Lisenziya tələbi olan infrastruktur meyarıyla bağlı sənədlərin qəbulu hələ fevral ayında bitib. Elçin bəyin dediyinə görə, bəzi klublara problemlərinin həlli üçün vaxt verilib və onlar da məsələlərin həlli ilə məşğul olub. Amma yekun qərar mayın 25-dək təqdim olunacaq maliyyə hesabatlarından sonra veriləcək: “Ad açıqlaya bilmirəm. Hər şey daha çox maliyyə məsələlərindən asılıdı. Bu meyar həlledici olacaq. Ancaq təbii ki, 5 meyarın hamısına cavab verənlər lisenziya ala biləcək. Çatışmazlıqlardan klublar məlumatlıdı, problemləri həll edəcəklərinə ümid bəsləyirəm”.
Məmmədov “İnter”lə bağlı problemlərə də aydınlıq gətirməyə çalışdı: “Bu klubun borcla bağlı problemi həqiqətən yoxdu. Klubun rəhbəri Rəmiş Malıyevin dedikləri həqiqətdi – köhnə borcları qalmayıb. Lakin bu klubla bağlı əsas problem odur ki, ümumiyyətlə, yaşayıb-yaşamayacaqları bilinmir. Klub sponsor tapmalıdı. Təbii ki, onlar bütün sənədləri təqdim etsələr, lisenziya almalarında heç bir əngəl yoxdu. İstənilən halda, bütün məsələlərə mayın sonunda aydınlıq gələcək. Bir daha vurğulayıram ki, ən yaxşı məqam klublarda bu baxımdan işin keyfiyyətinin artmasıdı. Yəqin ki, yeni mövsümdə Premyer Liqada yeni komandalar görə biləcəyik”.
FƏRİD
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”