Ölkə futbolu
“Kəpəz”in yeni baş məşqçisi bəllidi
Yaşar Vahabzadə Yunis Hüseynovun yanına getdi. AFFA U-21-dən …
Yaşar Vahabzadə Yunis Hüseynovun yanına getdi. AFFA U-21-dən ayrıldıqdan sonra işsiz qalan sevimli məşqçisini intizarda çox saxlamadı.
Futbolinfo.az xəbər verir ki, “Kəpəz”in əsas komandasının məşqçilər korpusuna daha bir mütəxəssis daxil olub. Vahabzadə baş məşqçi Hüseynovun köməkçisi təyin edilib.
Yunis bəyin bu köməkçiyə ehtiyacı var idimi? Qətiyyən yox. Hüseynova heyət qurmaq üçün çoxlu futbolçu lazımdı, məşqçi yox. Vidadi Rzayev, Nadir Şükürov var, daha birini də gəncəli veteranlardan tapmaq olardı. Milli komandalarda daim uğursuzluğu ilə tanınan, heç nəyə nail olmamasına baxmayaraq, daim işi olan Vahabzadəni komandaya gətirməyin nə mənası vardı?
“Mənə etimad göstərən insanlara təşəkkür edirəm. Yunis müəllim əlaqə saxlayıb onunla birgə işləməyi təklif etdi. Onun dəvətini qəbul etdim. Bu, mənim Premyer Liqada ikinci iş yerim olacaq. Məşqçilik karyerama “Neftçi”də başladım. Sonra fəaliyyətimi müxtəlif yaş qrupları üzrə yığmalarda davam etdirdim. İndi isə “Kəpəz”də çalışacam. Gəncə klubu ölkəmizin ən köklü, titullu komandalarındandı. “Kəpəz”in əvvəlki şöhrətini bərpa etməsi, yenidən uğur qazanması üçün əlimdən gəlini edəcəm” – bu sitat Vahabzadəyə məxsusdu. Ona inansaq, dəvətin Hüseynovdan gəldiyini düşünməliyik, lakin yalandı.
Bu təyinat birbaşa AFFA-nın təşəbbüsü ilə reallaşıb. Assosiasiya Gəncənin icra başçısı Elmar Vəliyevin rəğbəti olan Hüseynovun gəlişi ilə “Kəpəz”dən bir addım uzaq düşmüşdü. Ora etibarlı adam yerləşdirmək lazım idi və bunu da etdilər. Klubun Müşahidə Şurasının sədr müavini İslam Abbasovun (o həm də milli komandalarda baş inzibatçıdı, Vahabzadə ilə uzun müddət işləyib) da dəstəyi ilə Yaşar bəy “Kəpəz”ə yerləşdirildi.
Yunis bəyi böyük məşqçi olmağa qoymayan da elə bu cür davranışıdı. O, öz komandasını yığa bilmir, sifarişlə işləyir. 3-4 ardıcıl məğlubiyyətdən sonra Hüseynov yola salınacaq və “Kəpəz”də Vahabzadə dönəmi başlayacaq. AFFA-nın klubuna AFFA-nın məşqçisi təyin olunduqdan sonra isə “Kəpəz” milliləşənlərlə, kimlərinsə tapşırığıyla gələnlərlə doldurulacaq. Özünüz görərsiz…
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”