Dadaşov “Ayntraxt”a lazım olmadı

Azərbaycan millisinin hücumçusu Renat Dadaşovun klubu “Ayntraxt”ın əsas komandası qış təlim-məşq toplanışına start verib.

Futbolinfo.az xəbər verir ki, Frankfurt təmsilçisi bu məqsədlə İspaniyaya yollanıb. Bundesliqa klubu ümumilikdə 30 nəfərlik heyətlə yollandığı Mursiyaya bir neçə futbolçunu aparmayıb. Onlardan biri də U-19 komandasının üzvü Renat Dadaşovdu. Belə ki, mövsümün gedişində daha çox əsas komanda ilə məşqlərdə iştirak edən 18 yaşlı forvard bu dəfə baş məşqçi Niko Kovaça lazım olmayıb.

Ən azından bu mövsüm “Ayntraxt”ın əsas komandasında çıxış etmək şansını tamamilə itirən Dadaşov bu qış U-19-la hazırlaşmalı olacaq. Artıq çəkisinin olduğu bildirilən futbolçunun əsas komandadan uzaqlaşdırılması ona qarşı cəza tədbiri də hesab oluna bilər.

Qeyd edək ki, “Ayntraxt”ın U-19 komandasında aşağı yaş qrupları üzrə millilərimizə cəlb olunan daha bir futbolçumuz – Murad Mahmudov da çıxış edir.