Ölkə futbolu
“Sabah”ın müşahidəsi
Topaz Premyer Liqasında yeni mövsüm başlayır. Amma bir &c…
Topaz Premyer Liqasında yeni mövsüm başlayır. Amma bir çox komandalar hələ də yarışa hazır deyil. Düzdü, hamı məşqçisini, heyətini seçib, lakin klub olaraq çempionata hazır olmayanlar var.
Belə komandaların başında “Sabah” gəlir. Lisenziya sənədləri qaydasında olmadan yarışa buraxılan debütant yalnız bir neçə gün öncə prezident üsul-idarəsi ilə mövcud olacağını açıqladı. Həm də klubun maliyyə dayaqları bəlli oldu, AFFA-nın əlinə baxacağı aydınlaşdı.
Klubun eyni zamanda Müşahidə Şurasının olacağı da dəqiqləşdi. AFFA-an maliyyələşən, monopoliyada olan bütün klublar kimi bu sistemi lazım bilən “Sabah”da şuranın kimdən formalaşacağı isə sual olaraq qalır. Ya sanballı adam tapa bilmirlər, ya da şuranın gözdən pərdə asmaq üçün mövcudluğunu dərk etdiklərindən formal xarakterli “kabinet”i elan etməyə tələsmirlər.
Klubdan hər hansı məlumat almaq mümkün deyil. Bununla belə, qarşıdakı həftədə “müşahidəçilər”in siyahısı açıqlanmalıdı. Hazırda oraya daxil olacaq insanlar müəyyənləşir.
Yəqin ki, bütün klublarda olduğu kimi, “Sabah”da da AFFA-nın nümayəndəsi olacaq. Maliyyəyə nəzarət üçün assosiasiya həmişə bir nümayəndəsini klublarda iş başına gətirir, “Sabah” da istisna olmayacaq. “Kəpəz”in diviziona göndərilməsindən sonra Gəncəylə vidalaşan İslam Abbasov bu posta əsas namizəddi. Milli komandaların inzibatçısı etibarlı kadr olsa da, bir başqasının debütantın düşərgəsində görünməsi də mümkündü. AFFA-nın baş katibi Elxan Məmmədovun dost-tanışı kifayət qədərdi və yəqin ki, onlardan birini kluba təhkim edəcək.
Yəqin ki, klubda müxtəlif peşə sahibləri də olacaq. “Neftçi”də, “Səbail”də” “Keşlə”də, “Sumqayıt”da olduğu kimi, bəstəkarlar, yazıçılar, biznesmenlər və başqaları da formal qurumda görünəcək. Təhsil və Vergilər nazirliklərindən də kimlərsə şurada təmsil olunacaq.
Veteran futbolçu seçimi isə bir qədər qəliz məsələdi. Klubun tarixi olmadığından bura təsadüfi, “Sabah”a dəxli olmayan, rəhbərliyin hamilərinə dost olan futbol adamları düşməlidi. Azərbaycanı İsveçə dəyişərkən “rusları sıxışdırırlar” bəhanəsi ilə qaçqın statusu alan İqor Ponomaryov, “Jara”dakı “multikulturalizm ənənələri”ni nəzərə alsaq, “Neftçi”də oynamış markarovlardan biri, milliləşdirilən dağıstanlalardan hansısa asanlıqla şuraya gətirilə bilər.
Kimin seçiləcəyindən asılı olmayaraq, müşahidəçi olacaq şura üzvləri “paket” alacaqları üçün qondarma qurumda olmağa razılaşacaq. Ardını izləyib görəcəyik…
FƏRİD
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Ölkə futbolu2024-04-26 11:24
AFFA “Neftçi”nin istəyini rədd etdi
- Digər idman növləri2024-04-26 17:22
Olimpiadanın püşkünün atılacağı gün məlum oldu