Yunanıstanın PAOK klubunun futbolçusu Evangelos Qoka milli komanda ilə bağlı seçimini edib.
Futbolinfo.az Yunanıstan mətbuatına istinadən xəbər verir ki, 17 yaşlı yarımmüdafiəçi bu ölkənin yığmasında çıxış edəcək.
Qoka Albaniyanın U-17 və U-19 millisinin formasını geyinib. Hətta ötən il U-17-nin heyətində Avropa çempionatının seçmə mərhələsində Azərbaycan millisini 4:1 hesabı ilə məğlub etdikləri matçda het-trikə imza atıb. Lakin orta sahə oyunçusu bundan sonra Yunanıstanın əsas millisinin formasını geyinəcək.
Qeyd edək ki, Evangelos Qoka PAOK-un U-19 komandasında çıxış edir.
