Çilili müdafiəçi Maurisio İsla futbolçu karyerasını başa vurduğunu açıqlayıb.
Futbolinfo.az xəbər verir ki, 38 yaşlı futbolçu bu barədə şəxsi “Instagram” hesabında paylaşım edib.
2026-cı ilin yanvarında İsla azad agent kimi “Kolo-Kolo”dan ayrılıb. O, son matçını 2025-ci ilin noyabrında Çili çempionatında keçirib.
İsla karyerası ərzində “İndependyente”, “Universidad Katolika”, “Flamenqo”, “Fənərbağça”, “Kalyari”, “Marsel”, KPR, “Yuventus” və “Udineze”də çıxış edib.
Müdafiəçi Çili millisində 144 oyunda 5 qol və 19 məhsuldar ötürmə ilə yadda qalıb. Bu göstərici yığma tarixində 5-ci ən yaxşı nəticədir. İsla millinin heyətində 2015 və 2016-cı illərdə iki dəfə Amerika Kubokunun qalibi olub.
O, həmçinin “Yuventus”un heyətində ikiqat İtaliya çempionudur. İsla A Seriyasında ümumilikdə 191 matç keçirib.