Ölkə futbolu
Gəncə stadionu ilə bağlı… Nazirdən cavab gözləyirik
Baş qarışıb “Kəpəz”in uğursuz nəticələrinə, bunun reallaşmasında əsas faktor olan stadion problemi yaddan çıxıb. Axı, komandanın Gəncədən didərgin düşməsi də ardıcıl məğlubiyyətlərdə birbaşa rol oynayır.
Amma Gəncə şəhər stadionu ilə bağlı problem unutdurulub, heç bir yenilik yoxdu. Qəzalı vəziyyətdə olan tribunaların təmir edilməsiylə bağlı heç bir iş görülmədiyindən, “Kəpəz”in doğma evinə qayıtması mümkün görünmür.
Təbii ki, təmir işlərini reallaşdırmaq klubun imkanları xaricindədi. Stadionun sahibi olan AGİN-dən isə suallarımıza cavab verən yoxdu. Bir neçə dəfə nazirliyin mətbuat xidmətinə müraciət etmişik, lakin bizə cavab verə bilmirlər. Telefon danışığı zamanı bəhanələri sadalayırlar, amma məsələ rəsmi cavaba, reaksiyaya gələndə yoxa çıxırlar.
Bu dəfə sayt vasitəsi ilə soruşuruq: Əziz AGİN rəsmiləri,
…Gəncə stadionu nə vaxt təmir ediləcək?
…Ümumiyyətlə, bununla bağlı plan, layihə varmı?
…AFFA ilə siçan-pişik oyununuz nə vaxt bitəcək?
…Gəncəli azarkeşlərə nə vədiniz var?
…Yoxsa onların problemləri, ümumiyyətlə, vecinizə deyil?
Hörmətli nazir Fərid Qayıbovun bu suallara cavab verməsi maraqlı olardı. Ən azı müvafiq adamlara rəsmi açıqlama üçün göstəriş verməyi bacarar. Bir qrup jurnalisti yığıb ağıl verməklə iş bitmir, Qayıbov bütün mətbuata açıq olmalı, ölkənin ikinci böyük şəhərinin insanlarını maraqlandıran əsas suala cavab verməlidi.
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”