Ölkə futbolu
“Keşlə”nin yeni rəhbəri seçilib: Axundovun isə daha böyük arzusu var
“Keşlə” Şamaxıya köçməyə tələsmir. Bu şəhərin adını daşıyacağı dəqiqləşən klub prosesi yaya kimi uzatmaq niyyətindədi.
Verilən qərara görə, paytaxt təmsilçisi 2022-ci ildə “Şamaxı”ya çevrilməlidi. İlkin açıqlamalara əsaslansaq, bu qış addəyişmə reallaşmalı, gələn ilin sonunadək klubun akademiyası Bakıda fəaliyyət göstərməliydi. Əsas komandanın yeni məkanında məskunlaşma tarixi dəqiqləşməmişdi. Elə bu qeyri-dəqiqlikdən yararlanan klub rəhbərliyi cari mövsümü Bakıda yekunlaşdırmaq niyyətindədi.
İstənilən halda, ən geci yayda “Keşlə” tamamilə dəyişəcək. Əyalət klubunun rəhbərliyi yenilənəcək, prezident Zaur Axundov postuyla vidalaşacaq. Gözü “Neftçi”də olan, ora gəlmək üçün bu klubun uğursuzluğunu arzulayan Axundovu isə əyalət klubunda yerli İcra Hakimiyyətinə yaxın olan biri əvəzləyəcək.
Əslində, “Şamaxı”nın prezidenti olmağa bir namizəd var. O, futbol ictimaiyyətinə tanış olmayan, bu sahədə səriştəsiz, amma pula nəzarət etmək üçün “yuxarı”dan göndərilən şəxs olacaq. Adı bizə bəllidi, lakin tam dəqiqləşmədiyindən sirr olaraq qalması məsləhətdi.
Dəqiq olan Zaur bəyin idarəçi dəstəsiylə birlikdə “Keşlə”dən gedəcəyidi. O, bunu bildiyindən hazırda bütün gücünü “Neftçi”ni ələ keçirməyə səfərbər edib. Qalmaqalçı prezidentin son vaxtlar sakit dayanmasının, “özünü yaxşı aparmasının” səbəbi də budur.
- Ölkə futbolu2024-05-15 15:38
AFFA 6 kluba lisenziya verdi
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 14:39
Premyer Liqanın ən reytinqli futbolçusu: ilk 6 yer “Qarabağ”ın oldu
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir