Müsahibə
Merab çempionatın başlayacağına ümidlidi: “Təkliflərim var, “Qəbələ” ilə bağlı heç nə bilinmir”
“Qəbələ”nin yarımmüdafiəçisi Merab Qiqaurinin futbolinfo.az-a müsahibəsi
– Karantinə riayət etməkdə davam edirsiz?
– Bəli, evdə həyat yoldaşımla birlikdəyəm. Bütün təhlükəsizlik qaydalarına riayət edirəm. Hər gün evdə məşq edirəm, çöldə də qaçıram. Əlbəttə ki, darıxdırıcıdır artıq. Futbol həyat rejimimdir. Mənim üçün bu böyük “travmadır” ki, artıq neçə müddətdir evdə futbolsuz qalmışam.
– Artıq vəziyyət dəyişir. Gəzməyə çıxırsan?
– Mənim üçün ilk növbədə sağlamlıqdır. Yəni bu çölə rahat çıxmağıma təsir etmədi. Mən istənilən halda hələ ki, evdəyəm.
– Formanı itirməmisən?
– Əlbəttə ki, yox. Mən hər gün məşq edirəm, özü də çox.
– İspaniyada və başqa bir neçə ölkədə futbola icazə verilib. Səncə, Azərbaycanda niyə klubların məşqlərə başlamasına qoyulan qadağa davam edir?
– Mənim üçün dediyim kimi sağlamlıq ən birincidir. Amma əvvəlkindən fərqli olaraq restoran və kafeləri açıblarsa, qadağalar əvvəlki kimi deyilsə, demək məşqlərə də başlamaq olar. Məncə, çox yaxın zamanlarda bu məsələni də həll edəcəklər və böyük ehtimalla məşqlərə başlayacağıq.
– Koronavirusa inanan və inanmayan insanlar var. Onların hansına daha çox haqq qazandırırsan?
– Dünyadakı yoluxanları nəzərə alsaq, necə inanmamaq olar? Mən inanıram. Allah qoysa, tez bir zamanda bitər bu xəstəlik.
– Çempionat başlaya bilər, yoxsa təxirə salınacaq?
– Çempionatın başlayacaına dair böyük ümidim var. Məncə, hə.
– Bildiyimizə görə, başqa klublardan təkliflərin var…
– Bəli, digər klublardan variantlarım var. “Qəbələ” barədə isə hələ ki, heç nə bilinmir. Görək necə olacaq?
FƏRİD
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”