Premyer-liqa
Millimizin iki sabiq futbolçusu karyerasını başa vurdu, Rəhman tarixə düşdü
Azərbaycan millisinin keçmiş iki futbolçusu – Rail Məlikov (36 yaş) və Ruslan Əmircanov (37 yaş) futbolçu karyeralarını başa vurublar.
Futbolinfo.az xəbər verir ki, “Şamaxı”nın (keçmiş “Keşlə”) oyunçuları komandalarının Premyer Liqanın 22-ci turunun “Neftçi” ilə Şamaxıda keçirilən oyunundan əvvəl futbolla vidalaşıblar.
“Şamaxı” klubunun rəhbəri Zaur Axundov oyundan əvvəl hər iki futbolçuya xatirə formaları hədiyyə edib.
Məlikov və Əmircanov bir müddətdir B kateqoriyası üzrə məşqçilik kurslarında iştirak edirlər.
Bu komandanın digər üzvü Rəhman Hacıyev isə “Şamaxı” klubunun tarixinə düşüb. O, klubun tarixinə yeni ad altında ilk qolun müəllifi kimi adını yazdırıb. Hacıyev Şamaxının eyniadlı komandasının “Neftçi”ylə matçında fərqlənib. 11-ci dəqiqədə cərimə zərbəsindən fərqlənən Rəhman bu şəhərdə 30 ildən sonra vurulan ilk qola imza atıb.
“Şamaxı”ya kimi komanda “Xəzər Universiteti”, “İnter” və “Keşlə” adlarını daşıyıb.
Xatırladaq ki, Şamaxını 1992-ci ildə “Şirvan” komandası təmsil edib.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub