Müsahibə
“Qarabağ”ı məğlub etmək mümkündü” – Renato
“Qəbələ”nin futbolçusu Ruan Renatonun futbolinfo.az saytına müsahibəsi
- “Sumqayıt” üzərində qələbəni necə şərh edərsən?
- Çox balanslı oyun oldu, “Sumqayıt” əla komandadır. Ələ düşən qol imkanlarından yararlana bildik və qələbəni qazandıq.
- “Neftçi” uduzdu və ikinci pillədəki mövqeyinizi bir az da möhkəmləndirdiniz…
- Qələbə qazanmağa davam edə biləcəyimizə inanırıq, lakin inkişaf etməliyik. Komandamız hələ də oyununu gücləndirməlidir və biz hər oyunda daha yaxşısını etməyə çalışacağıq.
- “Qəbələ”nin kiçik büdcə ilə uğurlu çıxışının sirri nədir?
- Maliyyə tərəfi oyunu həll etmir, qalibiyyət qazanan hər kəsin iradəsidir. “Qəbələ” qalib gəlməyə can atır, idarə heyətimiz, məşqçilərimiz, oyunçularımız, qayğımıza qalan insanlar və azarkeşlərimiz qələbə qazanmaq istəyirlər. Biz əlimizdən gələni edəcəyik ki, “Qəbələ” medallar üçün yarışa davam etsin, biz sona qədər birlikdə ən yaxşısı üçün çalışacağıq.
- Bəlkə, mövsümün əvvəlində komandanın hədəfi yox idi. Amma bu uğurlu nəticələr fikirləri dəyişib?
- Məqsədimiz hər zaman hər oyunda əlimizdən gələni etməkdir. Bilirik ki, hər oyunda rəqabət daha da çətinləşir. Çünki eyni rəqiblərlə bir neçə dəfə qarşılaşırıq. Rəqiblər səni daha yaxşı tanıyır. Yaxşı davam etmək üçün daim yeniliklər üzərində işləmək lazımdır.
- Növbəti tur sizi ağır sınaq gözləyir. Evdə “Qarabağ”la oynayırsınız…
- Bilirik ki, “Qarabağ” böyük komandadır, onu məğlub etmək çox çətindir. Amma bunun qeyri-mümkün olmadığını da bilirik. Möhtəşəm oyun keçirmək üçün bu həftə yaxşı hazırlaşacağıq və azarkeşlərimizin dəstəyi ilə stadionumuzda qələbə ilə ayrıla bilərik.
AĞA
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”