Müsahibə
“Mil-Muğan”ın prezidenti: “Kəpəz”i araşdırsalar, orada bir neçə “lipa” futbolçu tapmaq olar”
Bu gün AFFA İntizam Komitəsi “Kəpəz” – &ldq…
Bu gün AFFA İntizam Komitəsi “Kəpəz” – “Mil-Muğan” matçı ilə bağlı qərar qəbul edib. Futbolinfo.az xəbər verir ki, İmişli təmsilçisinin futbolçusu Məmmədov Rəmzinin sənədlərinin saxta olması aşkar olunub. Buna görə İK 2014/2015 mövsümündə Azərbaycan çempionatının 1-ci divizionunda Rəmzi Məmmədovun istirakı ilə keçirilən bütün oyunlarda “Mil-Muğan” klubuna 0:3 hesablı texniki məğlubiyyət verib və klub 1000 manat cərimə olunub.
Saytımıza müsahibə verən “Mil-Muğan”ın prezidenti Mirheydər Seyfiyev məsələ ilə bağlı suallarımızı cavablandırıb:
– İntizam Komitəsi Rəmzi Məmmədovun iştirakı ilə keçirilən bütün oyunlara görə “Mil-Muğan”a texniki məğlubiyyət verib. Bununla bağlı nə deyə bilərsiniz?
– Qanun pozuntusu olub. İntizam Komitəsi də haqlı olaraq cəza verib.
– Qanun pozuntusundan sizin öncədən xəbəriniz var idi?
– Xəbərimiz olsaydı, tədbir görərdik. İndi çox futbolçu yaşında dəyişiklik edir. Siz özünüz nə qədər elə futbolçu tanıyırsınız. Elə deyil? Azərbaycan futbolunda elə oyunçalara rast gəlmək olar ki, öz yaşları ilə oynamırlar. Bu, Avropada da belədi. “Kəpəz” belə bir şikayət edib. Gəncə klubunun özünü araşdırsalar, orada bir neçə “lipa” futbolçu tapmaq olar.
– Bundan əvvəl limit pozulması ilə əlaqədar kluba texniki məğlubiyyət verilmişdi. Bunun seriala çevirilməsinin səbəbi nədi?
– Keçən dəfə limiti pozmuşdular. Bu dəfə başqa şeydi. İndi şikayət ediblər ki, futbolçu öz təvəllüdü ilə oynamır. Belə şikayəti istənilən klubdan vermək olar. Və o zaman görmək olar ki, çox futbolçunun yaşı düzgün deyil. Bu şikayəti bütün klublar bir-birindən verə bilər. Belə işdə də ən qoçağı “Kəpəz”di. Belə şeylərə “Kəpəz” yaxşıdı.
– Bəs günahkar kimdi?
– Günahkar saxta sənədləri verənlərdi.
– Saxta sənədi verənlər kimlərdi? Yəqin ki, baş məşqçi əvvəlcədən məsələdən agah olub də…
– Lap siz baş məşqçi olun. Sizə gətirib şəxsiyyət vəsiqəsini versə, onun kökünü araşdıracaqsınız? Bizə kənar yerlərdən gələn futbolçular da var. Mən onların şəxsiyyət vəsiqəsinin kökünü araşdıranam? Elə deyil, Emin müəllim? Demirsən axı, “hə” elədi…
– Elədi, elədi…
– Yox e, o mənada demirəm. Yeni demək istəyirəm ki, elədimi? Nə qədər “lipa” futbolçu var, müqavilə imzalayıb, həm Premyer Liqada, həm də birinci divizionda oynayırlar. Onları siz də tanıyırsınız, mən də tanıyıram.
– Yaşı düzgün olmayan hansı futbolçuları tanıyırsınız?
– Çox, siz tanıdıqlarınızı mən də tanıyıram.
– Mən tanımadıqlarımı öyrənmək istəyirəm…
– Ramal Hüseynovu tanımırsınız? Belə futbolçudan düz əllisini saymaq olar.
– Bəs, birinci divionda kimlər var?
– Birinci divioznla bağlı biz də şikayət vermişdik. Adı Həsəndi, soyadını bilmirəm. Onun da gedib yaşını araşdırsınlar. Həqiqətən də öz yaşında oynamır. “Kəpəz”də çıxış edir.
EMİN SƏFƏROV
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”