Topaz Premyer Liqasının qalan 2 dövrəsinə Türkiyədə hazırlaşan “İnter” bu gün Antalya toplanışı çərçivəsində dördüncü yoxlama oyununa çıxıb. Futbolinfo.az xəbər verir ki, “bankirlər”in rəqibi Almaniyanın Regional Liqasında çıxış edən “Zeyts” komandası olub.
Paytaxt klubu bu görüşdən iki cavabsız qolla qalib ayrılıb.
Xatırladaq ki, buna qədər “bankirlər” Hollandiyanın “Asten” (8:0), Qazaxıstanın “Aktobe” (1:1) və Almaniyanın “Holşteyn” (0:3) komandaları ilə qarşılaşmışdı.
Yoxlama oyunu
22 yanvar
İnter – Zeyts – 2:0
Qollar: Baçana Sxadadze, 7, Sezar Meza Kolli, 28.
