Ölkə futbolu
Şahin Diniyev: "Bunun acı nəticələri ola bilər"
Sabah "Qarabağ" Çempionlar Liqasında mübarizə…
Sabah "Qarabağ" Çempionlar Liqasında mübarizəyə start verəcək. Qurban Qurbanovun yetirmələri Tofiq Bəhramov adına Respublika stadionunda Çernoqoriyanın "Rudar" klubunu qəbul edəcək. Vacib oyun öncəsi "Qarabağ"ın və Azərbaycan milli komandasının sabiq baş məşqçisi Şahin Diniyevin fikirlərini öyrəndik. Təcrübəli mütəxəssisin fikrincə, Ağdam təmsilçisi sabahkı qarşılaşmada hansı taktikadan yararlanmasından asılı olmayaraq, uğur qazanacaq:
"Qarabağ"a uğurlar arzu edirəm, ideal bir komandadı. Hamımızın ürəyi sabah "Qarabağ"la döyünəcək. Rəqib ciddidi. Fikrimcə, sonda sevinən tərəf "Qarabağ" olacaq. Ağdamlıların bütün xəttlər üzrə potensialı böyükdü. Hesab edirəm ki, Qurban Qurbanov hansı taktikadan yararlansa, uğur qazanacaq. Cüt qarşılaşmalarda adətən 1-ci oyunun nəticəsinə əsasən, 2-ci görüşün taktikası hazırlanır. İlk matç Bakıda olduğundan əsas tapşırıq qol vurub, qapının toxunulmamazlığını qorumaqdı. Hətta deyərdim ki, qol buraxmamaq, vurmaqdan daha önəmlidi və ələ düşən şanslardan maksimum yararlanmalıdı. Quru hesablı qələbə uğurda əsas rolu oynayacaq. Heç bir komanda müdafiəni unudub, hücuma keçə bilməz. Sonra bunun acı nəticələri ola bilər".
Şahin bəy sabahkı matçı stadiondan yox, televizayadan izləməyi üstün tutur. O, fikrini belə izah edib: "Oyunları televiziya vasitəsilə izləməyi üstün tuturam. Stadionda futbola yox, insanlara baxıram. Ona görə də fikrim yayınır. Məncə, mütəxəssilər matçlara televizyadan baxanda daha rahat olur. Meydanda baş verən hər bir şeyi görüb, analiz edə bilirlər".
Bir neçə gün əvvəl "Neftçi"nin Çernoqoriyanın digər təmsilçisi "Mladost"a uduzması görəsən, "Qarabağ"a nə kimi psixoloji təzyiq göstərə bilər? "Kəpəz"in baş məşqçisi bu məsələyə də aydınlıq gətirdi: "Düşünmürəm ki, "Neftçi"nin Çernoqoriya klubuna məğlubiyyəti "Qarabağ"a hər hansı bir təzyiq göstərsin. Çünki hərədə bir komanda ruhu var".
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 10:00
Samir Abasov Xaviylə görüşə gedib