“Orhus” Çempionlar Liqasının 3-cü təsnifat mərhələsinin “Sabah”la cavab oyunu üçün Bakıya gəlib. Danimarka təmsilçisini daşıyan təyyarə ötən gecə Heydər Əliyev adına Beynəlxalq Hava Limanına eniş edib.
“Sabah” – “Orhus” oyunu avqustun 11-də “Bank Respublika Arena”da keçiriləcək. İlk matçda “Orhus” 2:1 hesablı qələbə qazanıb.
Xatırladaq ki, “Orhus” “Sabah”la matça yaxşı hazırlaşmaq üçün oyununun təxirə salınmasına nail olub. Sözügedən komandanın Danimarka çempionatının 3-cü turunda “Midtyulland”la qarşılaşması sentyabrın 2-nə ertələnib.