Ölkə futbolu
Şkuletiçin qərarı “Sabah” rəhbərliyinin də ürəyincə olub
Peter Şkuletiçin vida qərarı “Sabah” rəhbərliyinin də ürəyincə olub. Ona görə legioner hücumçu müraciətinə müsbət cavab almaq üçün əziyyət çəkməyib.
Serbiyalı futbolçu ilə müqaviləyə qarşılıqlı razılıq əsasında xitam verilib. O, şəxsi məsələləri ilə bağlı klubdan ayrılmaq istədiyini deyib – səbəb açıqlamasa da, Azərbaycanda oynamasının mümkün olmayacağını bildirib.
Şkuletiç sentyabrın 14-də “Sabah”ın heyətinə qatılmışdı. Lakin bu müddətdə o, dəfələrlə (4 oyun, 190 dəqiqə) şans qazansa da, qol hesabını aça bilmədi. Azərbaycanda xoşbəxt olmadığı aşkar görünən futbolçunun vida qərarı onun çıxışından narazı olan klub rəhbərliyini də qane etdiyindən Peter bir aylıq maaşını götürərək vətəninə yollanıb.
Şkuletiç gedişi barədə mətbuata açıqlama verməyi lazım bilmir. Əvəzində “Sabah”a keçidinə vasitəçilik edən Boyan İliç ayrılığın səbəbini açıqlayıb (sportinfo.az): “Petarın “Sabah”dan ayrılması sırf öz istəyinin nəticəsidir. Çox ciddi ailə məsələsinə görə bu qərarı verməli oldu. Ailəsini Bakıya aparmışdı, uşaqlarını məktəbə və bağçaya yazdırmışdı. Hətta anası da onlarla birgə idi. Sadəcə, mətbuata açıqlamaq istəmədiyim səbəbdən qala bilmədi. Klubda və ölkədə hər şey onu qane edirdi. Belə danışaq, ilk gündən onu nəsə qane etməsəydi, ailəsini Bakıya aparmazdı. Dediyim kimi, ciddi ailə problemi üzündən Serbiyaya qayıtmaq istədi. Başqa səbəb axtarmağa dəyməz”.
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”