Digər idman növləri
Teymur Rəcəbovdan Madriddə növbəti heç-heçə
Azərbaycan şahmatçısı Teymur Rəcəbov İspaniyanın paytaxtı Madriddə təşkil olunan İddiaçılar Turnirində bu gün növbəti görüşünü keçirib.
Futbolinfo.az xəbər verir ki, 35 yaşlı qrossmeyster 5-ci turda ağ fiqurlarla çinli Dinq Liren ilə üz-üzə gəlib. Rəcəbov FİDE reytinqinin ikincisi ilə matçın 50-ci gedişində “sülh bağlayıb”.
Teymur daha öncə Fransa təmsilçisi Alireza Firuzca, FİDE bayrağı altında yarışan Yan Nepomnyaşi və polşalı Yan-Kşiştof Duda ilə də heç-heçəyə razılaşmışdı. O, 2-ci turda ABŞ təmsilçisi Hikaru Nakamuraya məğlub olub. Təcrübəli şahmatçı hazırda 2 xalla turnir cədvəlinin 7-ci pilləsində qərarlaşıb.
Qeyd edək ki, dairəvi sistem üzrə keçirilən yarış 14 turdan ibarətdir. Şahmatçılar bir-biri ilə iki dəfə (ağ və qara fiqurlarla) qarşılaşacaqlar. Turnirin qalibi dünya şahmat tacı uğrunda norveçli Maqnus Karlsenlə görüşə vəsiqə qazanacaq.
İddiaçılar Turniri
5-ci tur
Teymur Rəcəbov (Azərbaycan) – Dinq Liren (Çin) 0,5:0,5
Fabiano Karuana (ABŞ) – Rixard Rapport (Macarıstan) 0,5:0,5
Alireza Firuzca (Fransa) – Yan-Kşiştof Duda (Polşa) 0,5:0,5
Hikaru Nakamura (ABŞ) – Yan Nepomnyaşi (FIDE) 0,5:0,5
Xal durumu: Nepomnyaşi – 3,5, Karuana – 3, Duda, Rapport, Nakamura – 2,5 Liren, Rəcəbov, Firuzca 2.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”