Ölkə futbolu
Futbolumuzun canlı əfsanəsi Vəli Qasımov – VİDEO
Vəli Qasımov Azərbaycan futbolu tarixində avropanın aparıcı &cc…
Vəli Qasımov Azərbaycan futbolu tarixində avropanın aparıcı çempionatlarında oynayan yeganə futbolçulardan biridi. O, 1968-ci il, aprelin 10-da Gəncə şəhərində dünyaya gəlib.
Qasımov futbolun sirlərini doğma şəhərində öyrənərək Ukraynaya üz tutur. Peşəkar futbolçu karyerasına bu ölkənin "Mayak Xarkov" klubunda başlayır. Ardıcıl iki mövsüm burada oynadıqdan sonra paytaxtın "Neftçi" klubuna transfer olunur. Bu klubda 4 il ərzində çıxdığı 155 oyuna 56 qol vurur. Onun göstərdiyi gözəl oyun xarici klubların gözündən yayınmır.
Beləliklə, 1992-ci ildə o, Moskvanın "Spartak" kollektivinə qoşulur. Burada 6 oyuna çıxan Qasımov elə həmin ildəcə digər paytaxt təmsilçisi "Dinamo"ya keçir. 17 oyuna 16 qol vuran 46 yaşlı veteran hücumçu 1992-ci ilin sonralında İspaniyanın "Real Betis" klubuna transfer olunur. Bu klubda 3 mövsüm keçirdikdən sonra o, digər ispan təmsilçisi "Albasete"nin şərəfini qorumağa başlayır. 1 illik çıxışdan sonra o yenə İspaniyada qalmağa üstünlük verir və "Esixa" ilə müqavilə imzalayır. İspaniyada keçirdiyi 5 ildə yığmamızın keçmiş forfardı 78 oyuna 13 qol vurmağı bacarır. 1997-ci ildə Portuqaliyanın "Viktoriya" klubuna keçir. Onun son klubu da Portuqaliyadan olur. Belə ki, 1999-2001-ci illər aralığında "İmortal" klubunda oynayan həmyerlimiz peşəkar futbolçu karyerasına son qoyur. O, Portuqaliya çempionatlarında 87 oyuna 31 qol vurur.
Qasımov 1994-1998-ci illərdə Azərbaycan milli komdandasının heyətində 14 oyun keçirib. Futbolçu karyerasını başa vurduqdan sonra Portuqaliyanın aşağı divizionunda iştirak edən "Gelvesin" klubunda məşqçi işləyir. Onun son iş yeri Azərbaycan yığma komandasının məşqçisi Berti Foqtsun köməkçisi və 19 yaşadək futbolçulardan ibarət Azərbaycan millisinin çalışdırıcısı vəzifələri olmuşdu.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”