Ergin Ataman “Panatinaikos”dan ayrılmağa yaxındır.
Türkiyəli mütəxəssisin Yunanıstan klubu ilə 2023/24 mövsümündə Avroliqanı qazanmasından sonra nəticələr aşağıya doğru gedib. Keçən il klub İlk 3-lüyə düşə bilməyib. Bu mövsüm yunanlar 1/4 finalda mübarizəni dayandırıblar və doğma meydanlarında keçiriləcək “Dördlər Final”ından kənarda qalıblar.
Mənbənin məlumatına görə, komandanın uğursuzluğundan sonra baş məşqçi Ergin Ataman istefaya göndəriləcək. Hazırda məşqçi əlavə üç gün istirahət alsa da, komanda onsuz məşqlərini davam etdirir.
“Panatinaikos” ilə beş Avroliqa titulunu qazanan Jeljko Obradoviçin mümkün qayıdışı ilə bağlı şayiələr yayılıb. 66 yaşlı serbiyalı məşqçi cari mövsümdə klub daxilindəki çətin vəziyyət və rəhbərliklə fikir ayrılıqları səbəbindən “Partizan”dan ayrılıb.
