Ölkə futbolu
Fan-klublar millinin oyunlarını boykot edə bilər
Azərbaycan – Xorvatiya matçından öncə stadionun qarşı…
Azərbaycan – Xorvatiya matçından öncə stadionun qarşısında qalmaqal yaşanıb. Futbolinfo.az xəbər verir ki, AFFA-nın bilet satışı üzrə meneceri Kamran Abbasovla azarkeşlər arasında münaqişə baş verib. Qurum rəsmisi bir neçə fan-klub rəhbərinə gətirəcəkləri azarkeşlərin sayından asılı olmayaraq, hamıya bilet paylayacağını bildirsə də, sonda vədinə xilaf çıxıb. Abbasov fan-klub rəhbərlərinə hətta gətirdikləri azarkeşlərin sayının yarısında da az bilet vermək istəyib. Buna görə də matçın başlamasına 1 saat qalmış tərəflər arasında başlayan mübahisə sonradan əlbəyaxa davaya çevrilib.
Belə ki, Kamran bəyin köməkçisi olan Nicat adlı şəxs fan-klub rəhbərlərindən birini təhqir etdiyinə görə, münaqişə yaşanıb. Federasiya nümayəndəsi yalnız bilet satılan kassaya sığınmaqla azarkeşlərdən gizlənə bilib. Sonradan polislərin müşayyəti ilə tərəflər arasında barışıq əldə olunub və azarkeşlərə lazım olan qədər bilet paylanılıb. Yaşanan bu qalmaqalla bağlı bir neçə fan-klub rəhbərlərinin fikirlərini öyrəndik:
Xanoğlan İmanov ("Qarabağsız Gənclər" fan-klubu): "Düzdü, bizim fan-klub daimi olaraq, AFFA-dan bilet almır. Yalnız son vaxtlar bu işə başlamışıq. Amma uzun müddətdi ki, AFFA ilə əməkdaşlıq edən fan-klublar var. Əvvələr oyundan 1 gün əvvəl və ya matç günü azarkeşlərə biletlər paylanılırdı. Ancaq bizə həmin gün saat 20:00-da bilet veriləcəyi deyildi. Bu, bir az söz-söhbətə səbəb oldu. "Forza Neftçi"yə 150 bilet vəd edilsə də, 50 dənə vermək istəyirdilər. Eləcə də digər azarkeş. Bundan başqa, oyunun startına az vaxt qalmış biletlərin paylanılması təbbi ki, problemlər yaradır. Stadionun qarşısında böyük kütlə var və azarkeşləri tək-tək içəri keçirmək çətindi. Həm də AFFA rəsmilərindən biri azarkeşlərə qarşı qeyri-etik ifadələr işlətdi. Buna görə də aramızda problem yaşandı. Sonra matçın başlamasına təxminən 10-15 dəqiqə qalmış bizə əvvəl söz verdikləri biletlərin hamısını gətirdilər. Biz də həmin biletləri üzvlərmizə verdik. Yəqin ki, şahidsiniz, ən çox azarkeş olan yer fan-klublara ayrılan sektorlar idi. Əgər fan-klublara qarşı bir də bu cür münasibət göstərilsə, millinin matçlarına fərdi şəkildə, öz hesabımıza bilet alıb gedəcəyik. Matçın başlamasına bir neçə dəqiqə qalmış bilet verilməsi düzgün deyil. Çünki azarkeşlərmizin bəziləri istəyir ki, komandamızın oyunqabağı məşqinə baxsın. Yəqin ki, fan-klub olmayan matçlarda ab-havanı hamı görür, sanki tamaşadı. "Qəbələ" – "Panatinaikos" görüşü də buna əyani sübut idi".
Ramiq Quliyev ("Qarabağ Ordusu" fan-klubu): "Əvvələr fan-klubları həmişə biletlə təmin edən, AFFA-da işləyən Vüqar adlı oğlan idi. Onunla da bilet məsələlərində heç vaxt problem olmayıb. Sonradan kassaya baxan Kamran adlı bir nəfər bileti özlərinə götürüb, oyun çıxarmağa başladılar. Sonra da dedilər ki, üzvlərnizi qapının ağzına yığın, hamıya bir-bir bilet paylayaq. O qədər azarkeşin içində mən fan-klubumun üzvlərinə necə bilet paylayım? Oyun günü saat 12:00-da mənə dedilər ki, fan-klubunuzda nə qədər adam var hamısını bura yığın biletlərini biz təşkil edəcəyik. 150 nəfərlə stadiona getdik bizə 50 bilet verirdilər. Biz etiraz edəndən sonra qalan biletləri də gətirib verdilər. Onu da deyim ki, biletləri elə təqdim etdilər ki, fan-klub üzvlərimiz bir arada deyil, hərə bir yerə səpələndi. Azarkeşlərlə öz aramızda söhbət etdik ki, heç növbəti oyunlarda onlardan bilet istəməyək".
ELMAR ABDULLA-ZADƏ
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”