Müsahibə
Rəhman Hacıyev: "Qələbə üçün vuruşacağıq"
Milli komandanın Avstriya toplanışında bu gün Makedoniya ilə…
Milli komandanın Avstriya toplanışında bu gün Makedoniya ilə keçirəcəyi sınaq matçının start heyətində yer alan Rəhman Hacıyev jurnalistlərin suallarını cavablandırıb. Futbolinfo.az sizi həmin cavablarla tanış edir.
– Toplanış necə keçir?
– Komandaya gec qoşulduq. Gəldiyimiz gün məşq etmədik, oyuna baxdıq. Dünən və bu gün komanda ilə birlikdə çalışmışıq. Sabah da oyun var. Hər şey qaydasındadı, sabah da qələbə qazanmağa çalışacağıq.
– Artıq baş məşqçi heyəti açıqlayıb və sənin də adın “ilk 11”dədi…
– Sabah ikinci dəfə millinin formasını geyəcəm. Çalışacam ki, yığmamıza xeyir verim.
– Milli ilk oyunda Andorra ilə bərabərə qaldı və tənqid olundu. Sabahkı matçdan nə gözləyirsən?
– Rəqib çox güclü komandadı. Biz də çıxıb qələbə üçün vuruşacağıq.
– Baş məşqçi necə bölüşdürüb oyunçuları? Andorra ilə oyuna başqa heyət çıxmışdı, bu gün tamam fərqli oyunçulardı…
– Çünki Andorra ilə oyunda biz yolda təzə gəlmişdik deyə istirahət verdi. Bu dəfə şans verib, hər kəs çalışır ki, öz fürsətindən yaxşı istifadə eləsin. Çünki millidə əvəz edilməyən futbolçu yoxdu.
– Maraqlıdır ki, ölkə kubokundakı finaldan sonra “Neftçi”nin futbolçuları çox məyus görsənirlər. Özünüzə gələ bilmirsiniz?
– Sözün düzü 118-ci dəqiqədə qol buraxmaq komadaya çox pis təsir etdi. O qədər əziyyətimiz boşa getdi. Ancaq oldu keçdi artıq. Qabağa baxmaq lazımdı. O oyun haqqında düşünməklə ancaq özümüzə ziyan verərik. Qarşıda daha yaxşı nəticələr qazanacağıq.
– Azərbaycan çempionatında ən yaxşı cərimə zərbəsi vuran oyunçulardan birisən. Zərbələrinin texnikası da Kristiano Ronaldoya oxşayır. Çox məşq edirsən bunun üçün?
– Uşaq vaxtımdan Ronaldonun rəbələrinə baxıb onun kimi vurmağa çalışırdım. Hər gün məşqdən sonra bunun üzərində işləyirəm. Allah da verib bu bacarığı, çalışıram ki, ən yaxşı şəkildə istifadə edim. (Apasport)
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 10:00
Samir Abasov Xaviylə görüşə gedib