“Aston Martin” investorları 2026-cı il mövsümünün uğursuz başlanğıcı və ağır maliyyə vəziyyəti fonunda komandanın perspektivlərinə getdikcə daha çox şübhə ilə yanaşırlar. “The Telegraph”ın məlumatına görə, Çinin “Geely” şirkəti komandanın səhmlərinə nəzarətə əsas iddiaçıdır.
Lourens Stroll və onun konsorsiumu vəziyyəti düzəltmək üçün daha 50 milyon funt sterlinq sərmayə qoyublar. Bu da 2018-ci ildə alışın ictimaiyyətə açıqlanmasından bəri səkkizinci belə ekstra sərmayədir. O vaxtdan bəri onlar səhmdarlardan təxminən 2 milyard funt sterlinq, banklardan və istiqraz bazarlarından eyni miqdarda vəsait toplayıblar.
Bu arada vergi öncəsi itkilər 25% artaraq 364 milyon funt sterlinqə çatıb. Bazar kapitallaşması IPO-da 4,3 milyard funt sterlinqdən təxminən 430 milyon funt sterlinqə düşüb. Şirkət həmçinin 3000 işçisinin 205-ni işdən çıxarıb.
“Geely” artıq “Aston Martin”də paya sahibdir. Daxili mənbələrə görə, bu, təxminən 14%-dir və Strollun getməsi halında ən çox ehtimal olunan alıcı hesab olunur. Həmçinin komandaya maraq Formula 1-ə daxil olmağın yollarını araşdıran Çinin BYD şirkətində də var.
