“Bu, tamamilə layiq olduğumuz qələbədir”. Bunu Mərakeş yığmasının baş məşqçisi Məhəmməd Vəhbi Niderlandla oyundan sonra mətbuat konfransında deyib.
DÇ-2026-nın 1/16 final mərhələsində Avropa təmsilçisini penaltilər seriyasında məğlub edən afrikalıların çalışdırıcısı qələbə barədə danışarkən, topa sahibolma göstəricilərinə xüsusi toxunub: “Hesab edirəm ki, rəqibdən tam üstün oynadıq. Onlar topa cəmi 30 % sahib oldular. Bizdə isə bu göstərici təxminən 70 % təşkil edirdi. Daha çox qol vəziyyətlərimiz və zərbələrimiz oldu”.
Qeyd edək ki, qarşılaşmanın əsas və əlavə vaxtı 1:1 hesabı ilə başa çatıb. Penaltilər seriyasında Mərakeş yığmasının futbolçuları daha dəqiq oynayıblar – 3:2.
Afrika təmsilçisi 1/8 finalda Kanada ilə qarşılaşacaq.