“Atletiko”nun baş məşqçisi Dieqo Simeone komandasının UEFA Çempionlar Liqasında yarımfinala yüksəlməsini şərh edib.
“Barselona”ilə cavab matçından (1:2, ilk oyun 2:0) sonra UEFA-nın mətbuat xidmətinə danışan argentinalı mütəxəssis deyib: “İlk hissədə böyük səylə oynadıq və bəzi fərdi səhvlərə baxmayaraq, oyunumuzu qura bildik. Qol isə həqiqətən möhtəşəm alındı. Rəqib çox güclüdür, belə başlanğıc gözlənilən idi. Belə komandaya qarşı səhvlər bağışlanmır. Təkcə müdafiə ilə nəticə qazanmaq mümkün deyildi, hücum etməli idik. İkinci hissədə oyun daha bərabər keçdi. Əvəzetmələr bizə güc verdi, rəqib isə ilk hissədəki tempi bir qədər aşağı saldı”.
O, yarımfinal haqda da danışıb: “Yarımfinala yaxşı əhval-ruhiyyə və öz gücümüzə inamla gedirik. Güclü və zəif tərəflərimizi bilirik. Nə etdiyimizə tam əminik və illərdir arzuladığımız məqsəd uğrunda mübarizə aparmağa hazırıq”.
Qeyd edək ki, Madrid təmsilçisi yarımfinalda “Arsenal” – “Sportinq” cütünün qalibi ilə üz-üzə gələcək.
