Monako Qran-prisi ərəfəsində keçirilən ənənəvi xeyriyyə futbol matçında Formula 1 pilotlarından ibarət komanda futbol əfsanələri ilə üz-üzə gəlib.
“Racing Stars” Kuboku çərçivəsində təşkil olunan qarşılaşmada “Alpin”in pilotu Pyer Qasli, “Reysinq Bulls”un sürücüləri İsak Hacar, “Mersedes”in gənc pilotu Andrea Kimi Antonelli və “Uilyams”ın üzvü Karlos Sayns meydana çıxıb. Pilotların rəqibləri sırasında isə məşhur futbolçular Ronaldinyo, Leonardo Bonuççi və Klarens Zeedorf yer alıblar.
Görüş futbol əfsanələrinin üstünlüyü şəraitində keçib. Nəticədə Formula 1 pilotlarından ibarət komanda 2:6 hesabı ilə məğlub olub.
