Bu gün Antalyada keçirilmiş “Xəzər Lənkəran”la Türkiyənin “Gənclərbirliyi” klubu arasındakı matçda qalmaqal yaşanıb. Futbolinfo.az xəbər verir ki, “Xəzər Lənkəran”ın futbolçusu Zohair Benuahi ilə rəqib komandanın üzvü Doğa Kayanın sözü çəp gəlib.
Nəticədə tərəflər arasında kiçik münaqişə yaşanıb. Hətta digər futbolçular da məsələyə müdaxilə ediblər. Lakin böyüyən qalmaqal az sonra sakitləşib.
Qeyd edək ki, “Gənclərbirliyi” bu oyunda “Xəzər Lənkəran”ı 2:0 hesabı ilə məğlub edib.
