Bülent Korkmazın işsiz günləri başa çata bilər. "Qalatasaray"ın və Türkiyə millisinin sabiq kapitanı "Ərciyəsspor"u çalışdıra bilər.
Futbolinfo.az xəbər verir ki, hazırkı baş məşqçi Fuat Çapadan narazı olan klub rəhbərliyi Korkmazla danışıqlara başlayıb. Danışıqlar baş tutsa, mütəxəssis qış fasiləsində komandanın başına keçəcək.
Qeyd edək ki, 2009/10 mövsümündə "Bakı"nı çalışdıran Korkmazın son iş yeri "İstanbul BB" (2012/13) olub. O, bundan başqa "Erciyəsspor" (2006), "Bursaspor" (2007), "Gənclərbirliyi" (2007/08), "Qalatasaray" (2009), "Karabükspor"u (2011/12) çalışdırıb.
