"Arsenal"ın istedadlı futbolçusu Aaron Remsinin hər dəfə qol vurmasından sonra bir məşhur insanın ölmə ənənəsi hər kəsə məlumdu. Məsələn, 2008-ci ildə "Kardiff"dən London klubuna transfer olunan oyunçu 2011-ci ilin mayın 1-də "Mançester Yunayted"in qapısına yol tapandan sonra "Əl-Qaidə"nin lideri Üsamə Bin Laden öldürülmüşdü. Futbolçu həmin ilin oktyabrın 2-də "Tottenhem"lə görüşdə fərqlənəndən sonra "Apple" şirkətinin sahibi Stiv Cobs ölmüşdü.
Uelsli yarımmüdafiəçi 2011-ci ilin oktyabrında Marsel “Olimpik"inə qol vurmuş, ardınca Liviya lideri Müəmmar Qəddafi öldürüldü. Aaron 2012-ci ilin fevralında "Sanderlend"ə qol vurandan sonra məşhur müğənni Uitni Hyuston ölüb.
Və son olaraq Remsi srağagün "Kardiff"lə premier-liqa matçında fərqləndi. Dünən isə dünya kinomanları məşhur "Forsaj" filminin baş qəhrəmanı Pol Uoker avtomobil qəzasında dünyasını dəyişməsi xəbəri ilə sarsıldı.
Növbəti qurbanın hansı məşhur şəxsiyyət olacağı böyük müzakirə mövzusudu.
