"Beşiktaş" Türkiyə Super Liqasının cari mövsümünə çox yaxşı başlamasına baxmayaraq, son turlarda "qara zolağ"a düşüb. Futbolinfo.az xəbər verir ki, İstanbul klubu 6-cı turda "Qalatasaray"a 1:2 (sonradan TFF bu oyundakı insident səbəbilə "Beşiktaş"a 0:3 hesablı texniki məğlubiyyət verib) hesabıyla uduzduqdan sonra özünə gələ bilmir.
Belə ki, "Beşiktaş" "Rizespor"la qolsuz, "Akhisar BS" ilə 3:3 hesablı heç-heçələrə razılaşıb. "Eskisehirspor"la ev (0:1) və "Antalyaspor"la (0:2) səfər oyunlarında isə məğlubiyyətlə üzləşib.
"Karabükspor"la son turun oyununda da Slaven Biliçin yetirmələri 3 xala həsrət qaldılar. Məhz bu xal itkilərindən sonra "qara qartallar" hazırda lider "Fənərbaxça"dan 7 xal geri qalır.
