İsveçrə Buz Hokkeyi Federasiyasının (SIHF) verdiyi məlumata görə, Patrik Fişer saxta COVID-19 peyvənd sertifikatı ilə Olimpiadaya getdiyi üçün milli komandanın baş məşqçisi vəzifəsindən azad edilib.
Fişer 2022-ci il Qış Olimpiya Oyunları zamanı Pekinə səyahət məhdudiyyətlərini aşmaq üçün COVID-19-a qarşı peyvənd olunduğunu iddia edən yalan sertifikatdan istifadə etdiyini boynuna almışdı. O, açıqlamasında saxta sənədlərdən istifadə edərək milli komanda ilə Pekinə yollanmasının ciddi bir səhv olduğunu bildirib.
Fişer İsveçrə hokkey tarixininən uğurlu məşqçilərindən biridir. O, 2015-ci ildə milli komandanın baş məşqçisi vəzifəsinə təyin edilib. Bu müddət ərzində Fişer komandanı üç Olimpiadaya aparıb və Dünya Çempionatında üç dəfə gümüş medal qazanıb. Fişerin rəhbərlik etdiyi komanda COVID-19 testinin məcburi olduğu və MHL oyunçularının pandemiya səbəbindən yarışmadığı 2022 Olimpiadasında 1/4 finala yüksəlib.
